பெரம்பலூர் மாவட்டத்தை சேர்ந்த இளைஞர்கள் தங்கள் தொழில்திறனை வெளிக்கொணரும் பொருட்டு திறனாய்வுபோட்டி கீழக்கணவாயில் அமைந்துள்ள அரசு பாலிடெக்னிக் கல்லூரியில் நேற்று நடந்தது. இதில் எந்திரவியல், மின்னியல், மின்னணுவியல் ஆகிய துறைகளிலிருந்து தாங்கள் உருவாக்கிய படைப்புகளை இளைஞர்கள் காட்சிக்காக வைத்தனர்.
பொறியியல் கல்லூரிகள், பல் தொழில்நுட்ப கல்லூரிகள் (பாலிடெக்னிக்), கலை மற்றும் அறிவியல் கல்லூரிகள், தொழிற்பயிற்சி நிலையங்கள் ஆகியவற்றில் தேர்ச்சி பெற்றோர், தொழிற்சாலைகளில் தொழிற் பழகுனர் களாய் பணிபுரிவோர் (அப்ரண்டிஸ்), இப்போட்டியில் பங்கேற்றனர்.
